රාජපුත්ර බිරිය FACEBOOK එකේ කියූ කතාව
ජපානයේ වෙසෙන ප්රසිද්ධ අන්තර්ජාල පුද්ගලයකු වන රජීව් රාජපුත්රගේ බිරිය මෑතකදී ඉදිරිපත් කළ මෝටිවේශනල් වීඩියෝවක් හේතුවෙන් දැඩි විවේචනයට ලක්ව ඇත. කෝටිපති ව්යාපාරිකයෙකු වන රජීව්ගේ බිරිය, ප්රකට ව්යාපාරික ඩඩ්ලි සිරිසේනගේ දියණියයි.
විවේචනයට හේතුව වී ඇත්තේ, ශ්රී ලංකාවේ කාන්තාවන් සම්බන්ධයෙන් ඇය කළ ප්රකාශයකි. ඇය ප්රකාශ කර තිබුණේ කාන්තාවන්ගේ ඇඳුමේ අවුලක් හෝ “සිග්නල්” එකක් නොමැතිනම් පිරිමින් කිසිවක් නොකරන බවයි.
මෙම ප්රකාශය ශ්රී ලංකාවේ පොදු ප්රවාහන සේවාවන්වල දිනපතා ගමන් කරන, ලිංගික හිංසනයට ලක්වන කාන්තා ප්රජාවගේ දැඩි අප්රසාදයට හේතු වී ඇත. ජපානයේදී මිනිත්තු පහක පාසල් ගමනට පවා තම පුතුන් මෝටර් රථයෙන් රැගෙන යන සහ පොදු ප්රවාහන සේවයේ අත්දැකීම් නොමැති රාජපුත්ර බිරිය මෙලෙස ප්රකාශ කිරීම, සැබෑ සමාජ අත්දැකීම් නොමැතිකම නිසා යැයි විවේචකයෝ පෙන්වා දෙති.
විවේචකයන් චෝදනා කරන්නේ ශ්රී ලංකාවේ බිළිඳියන්ගේ සිට වැඩිහිටි කාන්තාවන් දක්වා මෙන්ම, ආබාධිත හා මියගිය කාන්තාවන් පවා කිසිදු ඉඟියකින් තොරව අපයෝජනයට ලක්වන බවයි. එමෙන්ම පාසල් නිල ඇඳුමින් සිටින කුඩා දරුවන්ට පවා කරදර සිදුවන්නේ ඔවුන්ගේ ඉඟි නිසාදැයි ප්රශ්න කරමින්, පොදු ප්රවාහන සේවයේ දුක් විඳින කාන්තාවන්ගෙන් ඇය සමාව ගත යුතු බවට ඔවුන් ඉල්ලා සිටිති.
ඇගේ මෙම ප්රකාශය වැඩිහිටි කාන්තාවන්ට පමණක් කළ කතාවක් ලෙස තර්ක කළද, එය කුඩා දරුවන්ගේ මානසිකත්වයට බලපාන බවට චෝදනා එල්ල වේ. ඇඳුම හෝ ‘සිග්නල්’ මත අපචාර සිදුවීමක් වළක්වා ගත නොහැකි බවට සමාජයේ මතය වී ඇත.
විවේචනවලින් පසු ඇය සිය වීඩියෝවේ අදහස් දැක්වීම් (comments) අක්රිය කර ඇති අතර පසුව වීඩියෝව ඉවත් කර ඇති බව වාර්තා විය.
විවේචකයෝ පෙන්වා දෙන්නේ කෝටිපති තත්ත්වය නිසා ඇය පවසන ඕනෑම දෙයක් “වදනක්” සේ නොසැලකිය යුතු බවයි. ඇය මුදලින් මිලදී ගත නොහැකි සමාජ තත්වය, මනුස්සකම සහ සහකම්පනය වැනි මානුෂික ගුණාංගවලින් තොර බවට චෝදනා එල්ල වන අතර, ඇය මුළු කාන්තා සංහතියටම එරෙහිව කටයුතු කළ බවට ද දැඩි විවේචන එල්ල වී තිබේ.
